సనా : యెమెన్‌లోని పలు ప్రాంతాల్లో వైమానిక దాడులు జరిగినట్లు హౌతీలు మంగళవారం పేర్కొన్నారు. ఎర్ర సముద్రంలోని కమరాన్ ద్వీపంపై రెండు వైమానిక దాడులు జరిగాయని, అలాగే హోడెయిడా రేవు నగరానికి వాయువ్యంగా 55 కిలోమీటర్ల దూరంలో ఉన్న ఖనవిస్ జిల్లాపై మూడవ దాడి జరిగిందని స్థానిక మీడియా అల్‌-మసీరా పేర్కొంది. సౌదీ అరేబియా సరిహద్దులో ఉన్న జౌఫ్ ప్రావిన్స్‌లో కూడా వైమానిక దాడులు జరిగినట్లు నివేదించింది. ఈదాడులకు సౌదీ అరేబియా కారణమని మీడియా పేర్కొంది.
ఉత్తర యెమెన్‌లోని సాదా ప్రావిన్స్‌పై సౌదీ డ్రోన్‌ను కూల్చివేశామని హౌతీలు పేర్కొన్నారు. సౌదీ సరిహద్దులో ఉన్న ఈ ప్రాంతం హౌతీల కంచుకోటగా ఉంది. రియాద్‌లోని ఖలిద్ అంతర్జాతీయ విమానాశ్రయం వైపు తాము ఒక బాలిస్టిక్ క్షిపణిని ప్రయోగించినట్లు హౌతీలు కూడా తెలిపారు. సోమవారం సౌదీ అరేబియా రియాద్‌లో వైమానిక దాడికి సంబంధించి సైరన్‌ మోగించిన కొన్ని గంటలకే ఈ పేలుళ్లు జరగడం గమనార్హం.
కామెంట్‌లు (0)