ట్రంప్ బాణాసంచా ప్రదర్శన - అత్యంత కాలుష్య నగరంగా వాషింగ్టన్ ..!

వాషింగ్టన్ (అమెరికా) : ట్రంప్ ప్రభుత్వం "అద్భుతం" అని ప్రచారం చేసిన భారీ స్వాతంత్ర్య దినోత్సవ బాణాసంచా ప్రదర్శన తర్వాత, ఐక్యూ ఎయిర్‌ డేటా ప్రకారం వాషింగ్టన్ కొద్దికాలం పాటు ప్రపంచంలోనే అత్యంత కలుషితమైన ప్రధాన నగరంగా నిలిచింది. వైట్ హౌస్ ఫ్రీడమ్ 250 సంస్థ నియమించిన పైరోటెక్నికో అనే కంపెనీ, 850,000 బాణసంచాలను కాల్చడం ద్వారా ప్రపంచ రికార్డును బద్దలు కొట్టాలనే లక్ష్యాన్ని నిర్దేశించుకుంది. అయితే, కేవలం 40 నిమిషాల్లో ఇన్నింటిని కాల్చడం తీవ్రమైన ఆరోగ్య ప్రమాదాలకు దారితీయవచ్చని నిపుణులు హెచ్చరించారు. బ్రిటన్ నుండి విడిపోయినందుకు అమెరికా సంప్రదాయబద్ధంగా జరుపుకునే ఊరేగింపులు, వీధి వేడుకలు, బార్బెక్యూలను తలకిందులు చేసిన రికార్డు స్థాయి వేడిగాలుల సమయంలో జూలై 4 వచ్చింది. ఆ రోజుకు పరాకాష్టగా భావించిన రంగురంగుల పేలుడు పదార్థాల ప్రదర్శన, ఉరుములతో కూడిన వర్షం కారణంగా గంటకు పైగా ఆలస్యమై, చివరకు అర్ధరాత్రికి కొద్దిసేపటి ముందు ప్రారంభమైంది. రికార్డుస్థాయిలో టపాసులు కాల్చాలని ట్రంప్ కార్యవర్గం ముందుగానే నిర్ణయించుకుంది. వాషింగ్టన్‌లోని పలు చోట్ల 8,50,000 టపాసులు కాల్చేందుకు పైరోటెక్నికో సంస్థను నియమించుకుంది. 40 నిమిషాల వ్యవధిలో ఇంత పెద్ద సంఖ్యలో కాల్చడం తీవ్ర కాలుష్యానికి దారితీస్తుందని ఆందోళనలు వ్యక్తమైనా.. టపాసులు పేలాయి. దాంతో వాషింగ్టన్‌లోని ఓ ప్రాంతంలో ఫైన్‌ పార్టికల్ పొల్యూషన్ 200 మైక్రోగ్రామ్స్ పర్ క్యూబిక్ మీటర్‌గా నమోదైంది. గాలి నాణ్యతకు సంబంధించి వివిధ కేంద్రాల నుంచి సేకరించిన సమాచారం ఆధారంగా ఐక్యూ ఎయిర్‌ డేటా విడుదల చేసింది. వాటి ప్రకారం.. జులై 5 తెల్లవారుజామున 3 గంటల నుంచి 5 గంటల మధ్య వాషింగ్టన్‌ ప్రపంచంలోనే అత్యంత కాలుష్య నగరంగా నిలిచింది. దీనిపై ఎన్విరాన్‌మెంట్ ప్రొటెక్షన్ ఏజెన్సీ మీడియా కార్యదర్శి బ్రిగిట్ మాట్లాడుతూ.. ‘‘బాణసంచా అద్భుతంగా ఉంటుంది. వేడుకల్లో భాగంగా అందరూ ఎంజాయ్ చేశారని అనుకుంటున్నా’’ అని స్పందించడం గమనార్హం.