సౌదీ అణు ఒప్పందానికి ట్రంప్ ఆమోదం

వాషింగ్టన్: అమెరికా అధ్యక్షుడు డొనాల్డ్ ట్రంప్ సౌదీ అరేబియాతో కీలక అణు ఒప్పందానికి ఆమోదం తెలిపినట్లు ఈ వ్యవహారంపై అవగాహన ఉన్న ఇద్దరు వ్యక్తులు వెల్లడించారు. ఈ ఒప్పందం ద్వారా సౌదీ అరేబియా తన పౌర అణు కార్యక్రమం కోసం యురేనియంను శుద్ధి చేసే సామర్థ్యాన్ని పొందే అవకాశం ఉంది. ఇంకా అధికారికంగా ప్రకటించని ఈ ఒప్పందాన్ని బుధవారం ప్రకటించే అవకాశం ఉందని సంబంధిత వర్గాలు తెలిపాయి. ఈ అణు ఒప్పందం 30 సంవత్సరాల పాటు అమల్లో ఉండనుందని సమాచారం. సౌదీ పౌర అణు కార్యక్రమం అభివృద్ధిలో అమెరికా సంస్థలు కూడా భాగస్వామ్యం కానున్నాయి. అమెరికా–సౌదీ సంయుక్త అధ్యయనం అనంతరం, సౌదీ అరేబియాలో యురేనియం శుద్ధి చేసే కేంద్రం నిర్మాణానికి ఈ ఒప్పందం మార్గం సుగమం చేసే అవకాశం ఉంది. ఈ నిర్ణయాన్ని వాల్ స్ట్రీట్ జర్నల్ తొలిసారిగా వెల్లడించింది. అయితే, ఈ వార్తపై వైట్ హౌస్ ఇప్పటివరకు స్పందించలేదు.