ఆర్‌సి 17లో కియారా అద్వానీ..!

రామ్ చరణ్, దర్శకుడు సుకుమార్ కాంబినేషన్‌లో రూపొందనున్న ఆర్‌సీ17లో రామ్ చరణ్ సరసన బాలీవుడ్ నటి కియారా అద్వానీని కథానాయికగా పరిశీలిస్తున్నట్లు సమాచారం. ‘రంగస్థలం’ తర్వాత వీరిద్దరి కలయికలో వస్తున్న చిత్రం కావడంతో దీనిపై ఆసక్తి నెలకొంది. ఈ సినిమాలో హీరోయిన్ పాత్రను కేవలం గ్లామర్‌కే పరిమితం కాకుండా, కథను ప్రభావితం చేసే బలమైన పాత్రగా సుకుమార్ రూపొందించినట్లు తెలుస్తోంది. నటనకు ప్రాధాన్యం ఉన్న ఈ పాత్రకు కియారా సరిపోతుందనే అభిప్రాయం వ్యక్తమవుతోంది. గతంలో రామ్ చరణ్, కియారా జంటగా 'వినయ విధేయ రామ', 'గేమ్ ఛేంజర్'లో నటించారు.