Print Editionమళ్లీ చమురు మంట.. బ్యారెల్‌‌పై 3.4 శాతం పెరుగుదల

ఇరాన్-అమెరికా మధ్య తాజా ఘర్షణలు అంతర్జాతీయ చమురు మార్కెట్లను మరోసారి ఒత్తిడికి గురి చేశాయి. సోమవారం బ్రెంట్ క్రూడ్ చమురు ధర 3.4 శాతం పెరిగి బ్యారెల్‌కు దాదాపు 79 డాలర్లకు చేరుకుంది. యుద్ధానికి ముందు స్థాయితో పోలిస్తే ఇది సుమారు 8 శాతం ఎక్కువ. ప్రపంచ చమురు సరఫరాలో కీలకమైన హర్మూజ్‌ జలసంధిలో ఉద్రిక్తతలు పెరగడంతో రవాణాపై తీవ్ర ప్రభావం పడుతోంది. సాధారణంగా రోజుకు 130కు పైగా నౌకలు ప్రయాణించే ఈ మార్గంలో తాజాగా కేవలం 14 నౌకలు మాత్రమే ప్రయాణించడం పరిస్థితి తీవ్రతను సూచిస్తోంది. ఈ పరిణామాలతో వాణిజ్య నౌకల భద్రతపై అనిశ్చితి మరింత పెరిగింది. చమురు రవాణాలో అంతరాయాలు కొనసాగితే ప్రపంచవ్యాప్తంగా ఇంధన ధరలు, ద్రవ్యోల్బణం, రవాణా ఖర్చులు పెరిగే ప్రమాదం ఉందని విశ్లేషకులు హెచ్చరిస్తున్నారు. దీంతో ప్రపంచ స్టాక్ మార్కెట్లు కూడా ఒత్తిడికి లోనవుతుండగా, ఇంధన దిగుమతులపై ఆధారపడే భారత్ వంటి దేశాలపై ఈ పరిణామాలు ప్రతికూల ప్రభావం చూపే అవకాశం ఉందనే ఆందోళనలు వ్యక్తమవుతున్నాయి.