Print Editionఎయిరిండియా పైలట్లందరికీ డోప్ టెస్ట్ తప్పనిసరి

న్యూఢిల్లీ : ఎయిరిండియా, ఎయిరిండియా ఎక్స్‌ప్రెస్‌కు చెందిన సుమారు 5,000 మంది పైలట్లకు డోప్ టెస్ట్‌ను తప్పనిసరి చేయాలని యాజమాన్యం నిర్ణయించింది. ఫుకెట్-ఢిల్లీ విమాన ఘటనలో పైలట్-ఇన్-కమాండ్ గంజాయి సేవించినట్లు తేలిన నేపథ్యంలో ఈ నిర్ణయం తీసుకున్నట్లు సమాచారం. పైలట్లకు శిక్షణ సమయంలో, విమాన విధులు ముగిసిన తర్వాత కూడా పరీక్షలు నిర్వహించనున్నట్లు సంస్థ ఉద్యోగులకు తెలిపింది. ప్రయాణికుల భద్రత, విమాన సేవల్లో భద్రతా ప్రమాణాలను మరింత బలోపేతం చేయడమే లక్ష్యమని పేర్కొంది.