డిఎంకె మాజీ మంత్రి నివాసంలో సోదాలు

చెన్నై : తిరుచ్చిలోని డిఎంకె మాజీ మంత్రి కె.ఎన్‌.నెహ్రూ నివాసంలో విజిలెన్స్‌, అవినీతి నిరోధక శాఖ (డివిఎసి) అధికారులు శనివారం సోదాలు ప్రారంభించారు. డిప్యూటీ సూపరింటెండెంట్ ఆఫ్ పోలీస్ నేతృత్వంలోని డివిఎసి బృందం, తిల్లై నగర్‌లోని కె.ఎన్‌.నెహ్రూ నివాసంలో ఉదయం 6.30గంటల నుండి సోదాలు చేపడుతున్నట్లు అధికారులు ఒక ప్రకటనలో తెలిపారు. ఆయనకు సంబంధించిన పలు ప్రాంతాల్లో సోదాలు చేపడుతున్నట్లు పేర్కొన్నాయి. అయితే, ఏ కేసుకు సంబంధించి సోదాలు జరుగుతున్నాయో తెలియాల్సి వుంది. ఈ సోదాలను నిరసిస్తూ మాజీ మంత్రి అన్బిల్‌మహేష్‌ సహా పలువురు డిఎంకె కార్యకర్తలు ఆయన నివాసం ఎదుట ఆందోళన చేపట్టారు.