Print Editionయుపి సర్కార్‌కు సుప్రీం షాక్‌

న్యూఢిల్లీ : సంభాల్ హింసాకాండకు సంబంధించిన కేసులో ఉత్తరప్రదేశ్‌ ‌ప్రభుత్వానికి సుప్రీంకోర్టులో షాక్‌ ‌తగిలింది. ఈ కేసులో నిందితుడు ముల్లా అఫ్రోజ్‌‌పై జాతీయ భద్రతా చట్టం (ఎన్‌ఎస్‌ఎ) కింద విధించిన ముందస్తు నిర్బంధ ఉత్తర్వును సుప్రీంకోర్టు మంగళవారం రద్దు చేసింది. ఈ ఎన్‌ఎస్‌ఎను "చట్టవిరుద్ధంగా వినియోగించారని" పేర్కొంటూ ఉత్తరప్రదేశ్ ప్రభుత్వానికి రూ. 10 లక్షల జరిమానా విధించింది. జస్టిస్‌ దీపాంకర్ దత్తా, జస్టిస్‌ షీల్ నాగులతో కూడిన ధర్మాసనం ఈ మేరకు ఉత్తర్వులు జారీ చేసింది. ఎన్‌ఎస్‌ఎ కింద సంబంధిత వ్యక్తి స్వేచ్ఛను హరించే ముందు అధికారులు తగిన అంశాలను పరిగణనలోకి తీసుకోవడంలో విఫలమయ్యారని ధర్మాసనం విమర్శించింది. కేవలం నేరాంగీకార వాంగ్మూలం ఒక్కదానితోనే ముందస్తు నిర్బంధాన్ని అధికారులు విధించలేరని ధర్మాసనం స్పష్టం చేసింది.