- ఫైనల్ సందర్భంగా స్టేటస్ లైక్లకు ప్రత్యేక మార్పు
న్యూఢిల్లీ: ఫిఫా ప్రపంచకప్-2026 ఫైనల్ ఉత్సాహాన్ని వాట్సాప్ కూడా వినియోగదారులతో పంచుకుంటోంది. ప్రపంచకప్ ఫైనల్ సందర్భంగా స్టేటస్లకు లైక్ చేసినప్పుడు కనిపించే ఆకుపచ్చ హృదయం (గ్రీన్ హార్ట్) యానిమేషన్ స్థానంలో తాత్కాలికంగా ఫుట్బాల్ యానిమేషన్ను ప్రవేశపెట్టింది. ఈ ఫీచర్లో వినియోగదారులు వాట్సాప్ స్టేటస్పై లైక్ బటన్ను నొక్కగానే, గ్రీన్ హార్ట్కు బదులుగా ఫుట్బాల్ స్క్రీన్పై దొర్లుతూ కనిపిస్తుంది. అర్జెంటీనా–స్పెయిన్ మధ్య జరుగుతున్న ప్రపంచకప్ ఫైనల్ను పురస్కరించుకుని మెటా ఈ ప్రత్యేక యానిమేషన్ను అందుబాటులోకి తీసుకొచ్చింది. డిఫెండింగ్ ఛాంపియన్ అర్జెంటీనా, స్పెయిన్ జట్లు జూలై 19న అమెరికాలోని న్యూజెర్సీ రాష్ట్రంలోని మెట్లైఫ్ స్టేడియంలో ప్రపంచకప్ టైటిల్ కోసం తలపడనున్నాయి. ఈ సందర్భంగా ప్రపంచవ్యాప్తంగా ఫుట్బాల్ అభిమానులకు మరింత ఉత్సాహాన్ని కలిగించేందుకు వాట్సాప్ ఈ ప్రత్యేక ఫీచర్ను అందిస్తోంది.
గతంలో కూడా పండుగలు, ప్రధాన క్రీడా టోర్నీలు, ప్రపంచవ్యాప్త వేడుకల సందర్భంగా వాట్సాప్ తన రియాక్షన్ యానిమేషన్లలో తాత్కాలిక మార్పులు చేసింది. అయితే ఈ ఫీచర్ అందరు వినియోగదారులకు ఒకేసారి అందుబాటులోకి రాకపోవచ్చు. వాట్సాప్ తాజా వెర్షన్ను ఉపయోగిస్తున్న వారికి ఈ యానిమేషన్ కనిపించే అవకాశం ఉంది.
కామెంట్లు (0)