- ముంబై–పుణె ఎక్స్ప్రెస్వే నాణ్యత, భద్రతపై ప్రశ్నలు
ముంబై: ముంబై–పుణె ఎక్స్ప్రెస్వేలో ఇటీవల ప్రారంభించిన ‘మిస్సింగ్ లింక్’ ప్రాజెక్టులో తొలి భారీ వర్షాలకే అంతరాయం ఏర్పడటంతో నిర్మాణ నాణ్యత, భద్రతా ప్రమాణాలపై ప్రశ్నలు తలెత్తుతున్నాయి. సుమారు రూ.7,000 కోట్ల వ్యయంతో నిర్మించిన ఈ ప్రాజెక్టు రెండు నెలల క్రితమే ప్రారంభమైంది. భారీ వర్షాల నేపథ్యంలో సహ్యాద్రి పర్వత ప్రాంతంలో కొండచరియలు విరిగిపడటంతో రహదారిపై మట్టి, రాళ్లు చేరాయి. కొన్ని ప్రాంతాల్లో నీరు నిలిచిపోవడంతో ముంబై–పుణె మార్గంలో ట్రాఫిక్కు అంతరాయం ఏర్పడి, వాహనదారులు గంటల తరబడి ఇబ్బందులు ఎదుర్కొన్నారు.
ఈ ఘటన అనంతరం సామాజిక మాధ్యమాల్లో ప్రాజెక్టు నాణ్యతపై తీవ్ర చర్చ సాగుతోంది. కొండ ప్రాంతంలో నిర్మించిన ఈ రహదారికి తగిన వాలు రక్షణ, డ్రైనేజీ వ్యవస్థ, భూస్థిరీకరణ చర్యలు ఎంత మేర అమలు చేశారనే అంశంపై ప్రశ్నలు వ్యక్తమవుతున్నాయి. భారీ ప్రజాధనంతో నిర్మించిన ప్రాజెక్టులో ఇలాంటి పరిస్థితి ఏర్పడటంపై బాధ్యులపై చర్యలు తీసుకోవాలని పలువురు కోరుతున్నారు. పన్ను చెల్లింపుదారుల డబ్బు కేవలం ఫోటోలు తీసుకోవడానికీ, ప్రచార పనులకూ కాకుండా, ప్రజల ప్రాణాలను కాపాడే రోడ్ల నిర్మాణానికి ఖర్చుపెట్టారనే విమర్శలు వెల్లువెత్తుతున్నాయి. "రిబ్బన్ కట్ చేయడానికి చూపిన ఉత్సాహం నిర్మాణ నాణ్యతను ఏమాత్రం ప్రభావితం చేయలేదు. ఇది కేవలం కొండచరియ విరిగిపడటమే కాదు, నాసిరకమైన నిర్మాణానికి, అవినీతికి నిదర్శనం" అనేది ప్రధానంగా వినిపిస్తున్న విమర్శ.
అయితే ఘటనపై భిన్న వాదనలు వినిపిస్తున్నాయి. కొందరు రహదారి నిర్మాణంలో భాగమైన కొన్ని స్లాబులు దెబ్బతిన్నాయని ఆరోపిస్తుండగా, మరికొందరు ప్రధాన రహదారి కూలిపోలేదని, కొండచరియలు విరిగిపడటంతో మట్టి, రాళ్లు రహదారిపై చేరాయని పేర్కొంటున్నారు. ఈ అంశంపై అధికారుల నుంచి పూర్తి స్థాయి సాంకేతిక వివరణ రావాల్సి ఉంది.
కామెంట్లు (0)