ఎండిన నేలల సాక్షిగా చీకట్లు
ఎల్ నినో వేడికి మాడిపోయిన పొలాలు.
పచ్చని భూమిలో మంటలు
పండగ ముంగిట కరువు ఛాయలు..
కడుపుల నిండా కరువు
కన్నీటి వేదనల అరువులలో
బతుకు బండికి దొరకని ఇంధనం
రైతన్న ఇంటిలో దరిద్ర దేవత దర్శనం.
ఉచిత బియ్యం పాత్రలో ఉడికించేందుకు
నూనె చుక్క వెలగలని స్వప్నం.
అటకెక్కిన సరుకులపై
కూరగాయల ధరల రాకెట్ పరుగు.
పరిమళాల పిండివంటలు మరిచి
పొయ్యిలన్నీ కన్నీళ్ల కాష్టం.
పెరిగే నిత్యావసరాల హోరులో
తరగిపోయే అరచేతి బతుకులు.
అబద్ధపు వాగ్దానాల నీడన
అప్పుల వలలో ఆశల నావలు.
ధనవంతుడి ఇంట వెలుగుల హంగామా,
పేదవాడి పూరి గుడిసెలో అంధకారాల శూన్యం.
తడవని పొలాలతో
ఎడారి సీమల్లో చీకటి నీడల్లో
పండుగ మొయ్యలేని భారమై
కళ తప్పిన ముఖాల్లో విషాదపు కన్నీళ్లు మిగిలే.
- కొప్పుల ప్రసాద్,
సెల్‌: 9885066235
కామెంట్‌లు (0)