ఆకులు రాలుచుకునే
చెట్టుకున్నంత ధైర్యం
మనిషికి ఇప్పుడు లేదు!
కరువు ఛాయలు
ఎదలో కల్లోలం
మనిషి పిట్టయ్యి రాలిపోతాడేమో!
భూగర్భంలో
ఎడారులు విస్తరిస్తుంటే
మేఘాలు కనుమరుగు!
బీటలు వారుతున్న మైదానాలు
పిడికెడు గడ్డి దోసెడు నీళ్లు
ఈ ఊహ ఇప్పుడు పగటి కల!
నేరాన్ని కాలంపై నెట్టే
పాలకుల చెవుల్లో
యముని మహిషపు లోహగంటలు!
మీకంతా ఎప్పుడు
ఎన్నికల గోలేనా?
ప్రజాసవ్వడి వినబడదా?!
భూగోళమంతా
అన్ని భాషల్లో పాలకులంటే
దోపిడీలకు పర్యాయపదాలే!
ఎంతో ఎత్తుకు
ఎదిగిన మనిషి గుండెల్లో
ఇంకా బతుకు భయమా... సిగ్గు సిగ్గు!
కాలానికి తలొగ్గి సామాన్యుడు
బతుకీడుస్తున్నంత కాలం
నాగరిక సమాజం ఒక మేడిపండే!
- కోట్ల వెంకటేశ్వర రెడ్డి,
సెల్: 94402 33261
కామెంట్‌లు (0)