మహాత్మా..మళ్లీ జన్మించు
ఏడు దశాబ్దాల తరువాత
నీ అడుగులు చెరిగి పోయే
నీ ఆదర్శాలు మాసి పోయే..!
వాడవాడల్లో ప్రతి సంవత్సరం
మొక్కుబడిగా నీ జయంతులను
తంతుగా మీ వర్థంతులను చేస్తున్నా
దేశంలో రామరాజ్యం రావటంలేదు..?
అర్థరాత్రే కాదు పట్టపగలే ఆడపిల్ల
గడప దాటితే ఇంటికి రావటం లేదు
పల్లెల్లో అభివృద్ధి లేక తల్లడిల్లుతూ
పట్టణాలకు పరుగెత్తే పట్టు కొమ్మలు..!
స్వర్ణ భారతావనిలో కుల మతాలు
వారసత్వపు రాజకీయ కుతంత్రాలు
గుర్రపు డెక్కల్లాగా విస్తరించి పోయీ
అభివృద్ధికి అడ్డు గోడగా ఉన్నాయి..!
కూడలిలో నీవు కనపడతావు అందరికి
బోసి నవ్వులను దోసెడు ఆరబోసి
బడి పిల్లలే నిన్ను గుర్తు పెట్టుకున్నారు
గాంధీ ఆశయాలు మరిచే గాంధేయులు..!
ఉప్పు సత్యాగ్రహంలో నిప్పు రాజేశావు
దండి యాత్రలో నీ చేతి కర్రే ఆయుధం
తెల్లవాడిని ఆయుధం చేత పట్టకుండా
అల్లాడించావు అహింసా పద్ధతులతో..!
భారత దేశంలో నేతలు మారినా
అప్పులు పెరిగిపోయే కుప్పలుగా
బాపూ..దేశంలో నువ్వు మళ్లీ పుట్టాలి
కుబేరుల సంపదను బయటకు తీసేందుకు
మరో సత్యాగ్రహాన్ని మీరు చేపట్టాలి...!
- జి. సూర్యనారాయణ,
సెల్‌: 6281725659
కామెంట్‌లు (0)