నిత్యావసర ధరలు నిత్యం పెరగగా
బియ్యం ధరలూ ప్రియమయ్యాయి
మూడు నెలలుగా సన్నగా పెరుగుతూ
సగటు జీవులకు తుకతుక మనిపించే..!
డిమాండ్ కి తగ్గ సప్లయి లేకపోగా
తండులానికి గిరాకి పెరిగి పోయింది
బజారులో షాపులలో బియ్యం ధరలు
కయ్యమాడుతుండే సామాన్య ప్రజలతో..!
ఎల్ నినో పెను భూతాన్ని చూపించి వరి దిగుబడులు తగ్గుదల చూపించి బియ్యం రేట్లును దండిగా పెంచినారు దళారులు సొమ్ము చేసుకునేందుకు..!
దారి మళ్లుతున్న రేషన్ బియ్యంలో
సన్న బియ్యాన్ని మిన్నగా కలుపుతూ
విక్రయిస్తుండే బియ్యం వ్యాపారులు
లక్షలు గడించే రాజకీయ ప్రముఖులు
మోసపోతున్నారు మధ్య తరగతివారు..!
నిత్యావసర వస్తువుల ధరవరలు
నింగిలోని సితారలు అవుతున్నా
చుక్కలను చూపిస్తున్నారు దళారులు
ప్రేక్షక పాత్రను పోషించే పాలకులు..!
బియ్యం ధరలను పాలకులు తగ్గించాలి
నకిలీ బియ్యాన్ని తనిఖీలో అరికట్టాలి
నాణ్యమైన బియ్యం విక్రయించాలి
సామాన్య ప్రజలను సంతృప్తి పరచాలి..!
- జి.సూర్యనారాయణ,
సెల్‌: 6281725659.
కామెంట్‌లు (0)