ఇంగ్లండ్‌ ‌జట్టుకు కాంస్య పతకం

- ఫ్రాన్స్‌‌పై 6-4తో చారిత్రాత్మక విజయం

ఫ్లోరిడా: ఫిఫా వరల్డ్ కప్ 2026 కాంస్య పతక పోరులో ఇంగ్లండ్‌ ‌చారితాత్మక విజయాన్ని నమోదు చేసుకుంది. మయామీ స్టేడియంలో ఆదివారం జరిగిన కాంస్య పతక పోరులో ఇంగ్లండ్‌ ‌జట్టు 6-4గోల్స్‌ తేడాతో ఫ్రాన్స్‌‌ ఓడించింది. దీంతో1966లో ఛాంపియన్‌‌గా నిలిచిన ఇంగ్లండ్‌ దాదాపు 60ఏళ్ల తర్వాత ఫిఫా ప్రపంచ కప్‌లో కాంస్య పతకం నెగ్గింది. ఇంగ్లండ్‌ తొలుత 4-0‌గోల్స్‌‌తో ఆధిక్యతలో నిలిచింది. ఆ తర్వాత ఫ్రాన్స్‌ ‌వరుసగా గోల్స్‌ ‌కొట్టి ఆ వ్యత్యాసాన్ని 4-3కు తగ్గించినా.. చివర్లో ఇంగ్లండ్‌ ‌మరో రెండు, ఫ్రాన్స్‌ ‌మరో గోల్‌ కొట్టాయి. దీంతో ఇంగ్లండ్‌ 6-4‌తేడాతో మ్యాచ్‌ను ముగించింది. ఇక 2026 ఫిఫా ప్రపంచకప్‌‌లో అత్యధిక గోల్స్‌ ‌ఒక మ్యాచ్‌‌లో నమోదైన మ్యాచ్‌ కూడా ఇదే. ఈ మ్యాచ్‌‌లో ఇరుజట్లు కలిపి ఏకంగా 10 గోల్స్‌ ‌కొట్టాయి. ఇంగ్లండ్‌ ‌స్టార్‌ ఆటగాడు సాకా హాట్రిక్ గోల్స్‌ ‌చేయగా.. ఫ్రాన్స్‌ ‌కెప్టెన్‌ ఎంబాప్పే ‌ప్రపంచ రికార్డు 10 గోల్స్‌ కొట్టాడు. ఫిఫా చరిత్రలోనే ఒక టోర్నీలో ఒక ఆటగాడు 10 గోల్స్ చేయడం ఇదే తొలిసారి.

ఎంబాప్పే రికార్డు...

కాంస్య పతక పోరులో ఫ్రాన్స్ ఓడినా.. కెప్టెన్ ఎంబాప్పే మాత్రం నయా చరిత్ర సృష్టించాడు. 27 ఏళ్ల ఈ ఫుట్‌బాల్ సెన్సేషన్ మరో రెండు గోల్స్ కొట్టడం ద్వారా ఈ సీజన్‌లో కొట్టిన గోల్స్‌ ‌సంఖ్య 10కి చేరింది. దాంతో మెస్సీ (8 గోల్స్)ని దాటేసి గోల్డెన్ బూట్ రేసులో ఉన్నాడు. అంతేకాదు, ఒక వరల్డ్ కప్ చరిత్రలోనే అత్యధిక గోల్స్ చేసిన ప్లేన్నాడు, ఫిఫా ప్రపంచకప్‌‌లో కొట్టిన గోల్స్‌ ‌సంఖ్య కూడా 22కు చేరింది. దీంతో మెస్సీ 21 గోల్స్‌ను దాటేశాడు. ఈ మ్యాచ్‌ ‌లో ఫ్రాన్స్‌ ఓడినా.. ఎంబాప్పే గోల్డెన్‌ ‌బూట్‌ ‌రేసులో నిలిచాడు.