లిస్బన్‌ : ఫుట్‌బాల్‌ దిగ్గజం, పోర్చుగల్‌ స్టార్‌ ఆటగాడు క్రిస్టియానో రొనాల్డో (41) అంతర్జాతీయ ఫుట్‌బాల్‌కు వీడ్కోలు పలికారు. పోర్చుగల్‌ జాతీయ జట్టు నుంచి రిటైర్‌ అవుతున్నట్లు రొనాల్డో గురువారం సోషల్‌ మీడియా వేదికగా ప్రకటించారు. నవంబర్‌లో జరగనున్న అంతర్జాతీయ మ్యాచ్‌ల విరామం అనంతరం జాతీయ జట్టు తరఫున తన ప్రయాణాన్ని ముగించనున్నట్లు వెల్లడించారు. పోర్చుగల్‌ జట్టు తరఫున తాను ధరించిన 7వ నంబర్‌ జెర్సీకి వీడ్కోలు పలకనున్నట్లు ఈ సందర్భంగా విడుదల చేసిన వీడియో సందేశంలో పేర్కొన్నారు.
రొనాల్డో పోర్చుగల్‌ తరఫున ఇప్పటివరకు 234 అంతర్జాతీయ మ్యాచ్‌లు ఆడి 146 గోల్స్‌ సాధించారు. అంతర్జాతీయ ఫుట్‌బాల్‌లో అత్యధిక మ్యాచ్‌లు ఆడిన, అత్యధిక గోల్స్‌ చేసిన ఆటగాడిగా ప్రపంచ రికార్డులు ఆయన పేరిట ఉన్నాయి. 2003లో అంతర్జాతీయ కెరీర్‌ను ప్రారంభించిన ఆయన, 2004 యూరో కప్‌కు ముందు నుండి జాతీయ జట్టులో కీలక ఆటగాడిగా ఎదిగారు. రెండు దశాబ్దాలకు పైగా సాగిన ఆయన క్రీడా ప్రస్థానంలో పోర్చుగల్‌కు ఎన్నో చారిత్రాత్మక విజయాలను అందించారు. అయితే కోచ్‌ జార్జ్‌ జీసస్‌తో విభేదాల కారణంగానే ఆయన జాతీయ జట్టుకు వీడ్కోలు పలుకుతున్నట్లు సమాచారం.
కామెంట్‌లు (0)