- క్వార్టర్ ఫైనల్లో అర్జెంటీనాతో పోరు..
- 72 ఏళ్ల తర్వాత చివరి ఎనిమిదిలోకి స్విస్ జట్టు
వాంకోవర్: ఉత్కంఠభరితంగా సాగిన ఫీఫా ప్రపంచకప్ ప్రీ-క్వార్టర్ ఫైనల్ మ్యాచ్లో స్విట్జర్లాండ్ షూటౌట్లో 4-3 తేడాతో కొలంబియాను ఓడించి క్వార్టర్ ఫైనల్స్కు అర్హత సాధించింది. నిర్ణీత సమయంతో పాటు అదనపు సమయంలోనూ ఇరు జట్లు గోల్ చేయలేకపోవడంతో మ్యాచ్ పెనాల్టీ షూటౌట్కు దారితీసింది. మ్యాచ్ మొత్తం ఇరు జట్లు దూకుడుగా ఆడినా, గోల్కీపర్ల అద్భుత ప్రదర్శనతో ఒక్క గోల్ కూడా నమోదు కాలేదు. గోల్స్ చేసే అనేక అవకాశాలను ఇరు జట్లు వృథా చేసుకున్నాయి. షూటౌట్లో స్విట్జర్లాండ్ నాలుగు పెనాల్టీలను విజయవంతంగా గోల్గా మలచగా, కొలంబియా మూడు మాత్రమే సాధించింది. ఒక కిక్ క్రాస్బార్ను తాకగా, మరో ప్రయత్నాన్ని స్విస్ గోల్కీపర్ అడ్డుకోవడంతో కొలంబియా పోరాటం ముగిసింది.
ఈ విజయంతో 72 ఏళ్ల తర్వాత స్విట్జర్లాండ్ ప్రపంచకప్ క్వార్టర్ ఫైనల్స్కు చేరుకుంది. ఇక క్వార్టర్ ఫైనల్లో డిఫెండింగ్ ఛాంపియన్ అర్జెంటీనాతో స్విస్ జట్టు తలపడనుంది. ఈ మ్యాచ్ శనివారం కాన్సాస్లో జరగనుంది.
కామెంట్లు (0)