ఎర్ర ఎర్రాని పండు
నిగ నిగలాడుతుండు
కంటికి ఇంపుగా నుండు
గింజలే కమ్మగా ఉండు
పోషకాలే దండిగుండు
నిరోధకశక్తే మెండు
జ్ఞాపక శక్తి దాగుండు
జీర్ణక్రియే బాగుండు
ఒత్తిడినే తగ్గించును
వృద్ధాప్యమే నెమ్మదౌను
జుట్టురాలుట ఆపును
ఔషధాలే నిలువెల్లను
పలు విటమిన్లు లభించును
ఖనిజ లవణాలు ఇచ్చును
పలు లాభాలు చేకూర్చును
చర్మ సౌందర్యమే పెంచును
దాని గింజలు ముత్యాలు
దాని పిల్లలు రత్నాలు
దాని దేహమే లావణ్యం
దాని రసమే మాధుర్యం
అది పండేను మెట్ట ప్రాంతం
మది నిండేను ఆద్యంతం
అది పంచేను అమ్మ ప్రేమ
దాని పేరే, దానిమ్మా!
– గుండాల నరేంద్రబాబు,
94932 35992.