ప్రజాశక్తి – సీతంపేట ఎన్నికల కోడ్‌ను పక్కాగా అమలు చేయాలని పాలకొండ నియోజకవర్గ రిటర్నింగ్‌ అధికారి కల్పనాకుమారి అన్నారు. సోమవారం సీతంపేట మండలంలోని జక్కరవలస, మండ గ్రామాల్లో ఆమె పర్యటించారు. ఈ సందర్భంగా ఎన్నికల కోడ్‌ అమలును పరిశీలించారు. ఇంకా ఎక్కడైనా రాజకీయ నాయకుల పోస్టర్లు, విగ్రహాలుంటే వెంటనే తొలగించాలని సూచించారు. రాజకీయ నాయకుల పేర్లతో ఉన్న శిలాఫలకాలను కూడా మూసివేయాలని అన్నారు. కార్యక్రమంలో ఎంపిడిఒ గీతాంజలి, సచివాలయ సిబ్బంది తదితరులు పాల్గొన్నారు.కురుపాం : ఎన్నికల కోడ్‌ను పక్కాగా అమలు చేయాలని ఆర్‌ఒ వివి రమణ అధికారులకు సూచించారు. సోమవారం కురుపాంలో ప్రధాన రహదారికి ఇరువైపులు ఉన్న ప్రధాన కేంద్రాల వద్ద షాపుల వద్ద ఎన్నికల కోడ్‌ అమలు అధికారులతో కలిసి పరిశీలించారు. ఈ సందర్భంగా అధికారులతో ఆయన మాట్లాడుతూ ఇంకా ఎక్కడైనా రాజకీయ నాయకులు, పోస్టర్లు వెంటనే తొలగించాలన్నారు. రాజకీయ నాయకుల పేర్లతో ఉన్న శిలా ఫలకాలను కూడా మూసివేయాలని తెలిపారు. కార్యక్రమం లో తహశీల్దార్‌ సత్యనారాయణ, ఎంపిడిఒ ఎస్‌.అప్పారావు, కరుణాకర్‌, ఇఒకె.చంద్రశేఖర్‌, తదితరలు పాల్గొన్నారు.
తాజా వార్తలు
