విఎస్ఆర్ ఐడియల్ స్టడీ సెంటర్ లోగో ఆవిష్కరణ

Jan 11,2024 16:44 #Kakinada
vsr ideal study circle

 

ప్రజాశక్తి-కాకినాడ : పూర్వ ఎన్జీఓ అసోసియేషన్ నాయకులు, మార్క్సిస్టు నాయకులు వాసంశెట్టి సూర్యారావు స్మారకంగా యువతీ, యువకులకు, సామాజిక, సాంస్కృతిక కార్యకర్తలకు విద్యా, వైజ్ఞానిక, రాజకీయ విద్య నెరపడం కోసం వి ఎస్ ఆర్ ఐడియల్ స్టడీ సెంటర్ ప్రారంభమైనది. దీని లోగోను వీక్షణం సంపాదకులు ఎన్. వేణుగోపాల్ ఆవిష్కరించారు. ముఖ్య అతిధులుగా ఉభయ గోదావరి జిల్లాల పట్ట భద్రుల ఎమ్మెల్సీ ఇళ్ల వెంకటేశ్వరరావు (ఐవి), జన విజ్ఞాన వేదిక రాష్ట్ర గౌరవాద్యక్షులు డా. స్టాలిన్ పాల్గోన్నారు. ఈ సందర్భంగా వక్తలు ప్రసంగిస్తూ సూర్యారావు ఆశయానికి అనుగుణంగా స్టడీ సెంటర్ ప్రారంభించడం అభినందనీయమన్నారు. కార్పొరేట్ సంస్థల అభీష్టానికి అనుగుణంగా సాగుతున్న నేటి విద్యా విధానం వల్ల అనేక అనర్థాలు జరుగుతున్నాయన్నాయని, కనీసం స్వతంత్రంగా ఆలోచించే నైపుణ్యం కొరవడి పరాయీకరణ చెందుతున్న మనుషులకు ఒక మార్గాన్ని చూపాల్సిన అవసరం నెలకొన్న పరిస్థితుల్లో ఇటువంటి స్టడీ సెంటర్ ప్రారంభించడం మంచిదని కొనియాడారు.
ఈ కార్యక్రమంలో రైతు సంఘం జిల్లా అధ్యక్షులు తిరుమలశెట్టి నాగేశ్వరరావు, సామాజిక కార్యకర్తలు పెద్ధింశెట్టి రామకృష్ణ, వి. రవికుమార్, సిహెచ్. కిరణ్ కుమార్, జి. చెల్లారావు, కార్మిక సంఘాల నాయకులు వి. చంద్రరావు, జి. రామకృష్ణ, సైన్సు ఉద్యమ నాయకులు కె. ప్రసాద్, సత్యనారాయణరెడ్డి, రచయిత ప్రకాశరావు, తదితరులు పాల్గొన్నారు. లోగోను అర్థవంతంగా, ఆకర్షణీయంగా డిజైన్ చేసిన శ్రీ ఆర్ట్స్ బాలం హరికి అభినందనలు తెలిపారు.

➡️