కలిసి నడిచే మనుషులతో దూరం దగ్గరవుతుంది
కలిసి చరించే మనసులతో భారం నెమ్మదవుతుంది
అహంకారపు పొరలు కమ్మితే అంతా నరకమే
మది విశాల పరచుకో జీవితం స్వర్గమవుతుంది
నీకోసం నీవే బ్రతికితే ఏమున్నది పరమార్థం
పరులకై బ్రతికిచూడు హృదయం స్వచ్ఛమవుతుంది
ఎదుటివారి తప్పులే ఎత్తిచూపకు ఎప్పుడూ
నీలోకి తొంగి చూడు అంతరంగం స్పష్టమవుతుంది
కఠినమైన ఊహలకు తావివ్వకు నేస్తమా
లలితభావాలు పంచిచూడు లోకం సొంతమవుతుంది!
లలితావర్మ
9949672671
