న్యూఢిల్లీ : దేశంలోని పలు ప్రఖ్యాత యూనివర్సిటీల్లో పీజీ కోర్సుల్లో ప్రవేశాల కోసం జాతీయ స్థాయిలో నిర్వహించిన ‘సీయూఈటీ-పీజీ’ పరీక్ష ఫలితాలు శనివారం విడుదలయ్యాయి. నిన్న ఈ పరీక్షకు సంబంధించిన తుది కీ ని ఎన్‌టీఏ విడుదల చేసింది. ఈరోజు పరీక్షా ఫలితాలను ప్రకటించింది. మార్చి 11 వ తేదీ నుంచి 28వ తేదీ వరకు దేశంలోని పలు ప్రధాన నగరాల్లో CUET-PG 2024 పరీక్షలను నిర్వహించిన సంగతి విదితమే. మొత్తం 157 సబ్జెక్టుల్లో జరిగిన ఈ పరీక్షల్లో సాధించిన స్కోరు ఆధారంగా కేంద్రీయ విశ్వవిద్యాలయాలతోపాటు కేంద్రం ఆధ్వర్యంలో నడుస్తున్న విద్యాసంస్థలు, రాష్ట్ర స్థాయి విశ్వవిద్యాలయాలు, డీమ్డ్‌ యూనివర్సిటీలు, ప్రైవేటు విద్యాసంస్థలు మెరిట్‌ జాబితాలను రూపొందించి కౌన్సెలింగ్‌ ద్వారా ప్రవేశాలు కల్పించనున్నాయి. ఈ స్కోరును మొత్తంగా 190 విశ్వవిద్యాలయాలు (38 సెంట్రల్‌ యూనివర్సిటీలు, 38 రాష్ట్ర యూనివర్సిటీలు, తొమ్మిది ప్రభుత్వ సంస్థలు, 105 ప్రైవేటు, డీమ్డ్‌ వర్సిటీలు) పరిగణనలోకి తీసుకుంటాయి.
తాజా వార్తలు
