రక్తదాతల కోసం ఎదురుచూపు : ప్రజాశక్తి-బలిజిపేట మండలంలోని అరసాడ గ్రామానికి చెందిన శివ్వాపు సింహాచలం అనే యువకుడు ఎనీమియాతో బాధపడుతున్నాడు. రక్తం చాలక ప్రస్తుతం ప్రాణాపాయ స్థితిలో విజయనగరం ప్రభుత్వ సర్వజన ఆస్పత్రిలో చికిత్స పొందుతున్నాడు. ఆ యువకుడి శరీరంలో 1.4 పాయింట్ల రక్తం మాత్రమే ఉందని వైద్యులు చెబుతున్నారు. రక్తం అత్యవసరం కావడంతో అరసాడ గ్రామానికి చెందిన ఆర్‌ఎంపి చొల్లంగి నీలకంఠం గురువారం ఆస్పత్రికి వెళ్లి యూనిట్‌ రక్తాన్ని దానం చేశాడు. ఆ యువకుడికి ఆరు యూనిట్ల రక్తం అవసరం కాగా, రెండు యూనిట్ల బ్లడ్‌ను దాతలిచ్చారు. మరో నాలుగు యూనిట్ల రక్తం అవసరం కావడంతో కుటుంబ సభ్యులు దాతల కోసం ఎదురుచూస్తున్నారు. రక్తదాతలు స్పందించి 89854 94653 నంబర్‌ను సంప్రదించాలని వారు వేడుకొంటున్నారు.
తాజా వార్తలు
