ప్రజాశక్తి-ఎంవిపి కాలనీ (విశాఖ) : విశాఖ సిటీ నూతన పోలీస్‌ కమిషనర్‌ గా శంఖ బ్రత బాగ్చీ సోమవారం ఉదయం 7 గంటలకు నగర పోలీస్‌ కమిషనర్‌ కార్యాలయంలో బాధ్యతలు స్వీకరించారు. అనంతరం మీడియాతో మాట్లాడుతూ … విశాఖలో పనిచేయటం తనకు ఎంతో గర్వంగా ఉందన్నారు. విశాఖ కేంద్రంగా గంజాయి తరలింపు జరుగుతుందని , ఇప్పటికే తమ శాఖ చేపట్టన ఆపరేషన్‌ పరివర్తన చాలా బాగా సక్సెస్‌ అయిందని చెప్పారు. స్థానికంగా కంటే ఇతర రాష్ట్రాల నుండి గంజాయి ఎక్కువగా వస్తుందని దానిని అరికట్టే చర్యలు చేపడతామని అన్నారు. నగర పోలీస్‌ సిబ్బందిని ఉద్దేశించి మాట్లాడుతూ … తామంతా ప్రజా సేవ చేస్తున్నామని ఎవరైనా పోలీస్‌ స్టేషన్‌ కి వస్తే మర్యాదగా వ్యవహరించాలని, అమర్యాదగా వ్యవహరించవద్దని అన్నారు. ఎవరైనా అవినీతికి పాల్పడితే కఠిన చర్యలు ఉంటాయని హెచ్చరించారు. ఇక్కడ పనిచేయడానికి అవకాశం ఇచ్చినందుకు ముఖ్యమంత్రి కి ధన్యవాదాలు తెలిపారు.
తాజా వార్తలు
