టాలీవుడ్‌ గ్లోబల్‌ స్టార్‌ రామ్‌ చరణ్‌ ఖాతాలో మరో అంతర్జాతీయ అవార్డు చేరింది. రామ్‌ చరణ్‌కు తాజాగా పాప్‌ గోల్డెన్‌ అవార్డు ప్రకటించారు. గోల్డెన్‌ బాలీవుడ్‌ యాక్టర్‌ కేటగిరీలో రామ్‌ చరణ్‌కు ఈ అవార్డు లభించింది. ఈ పురస్కారం కోసం షారుఖ్‌ ఖాన్‌, దీపిక పదుకొనే, అర్జున్‌ మాథుర్‌, ఆదా శర్మ, రాశి ఖన్నా, విశేష్‌ భన్సాల్‌, రిద్ధి డోగ్రా కూడా నామినేట్‌ అయ్యారు. వీరందరినీ వెనక్కి నెట్టి రామ్‌ చరణ్‌ ఈ అవార్డుకు ఎంపికయ్యారు. ఈ మేరకు పాప్‌ గోల్డెన్‌ అవార్డ్స్‌ కమిటీ అధికారిక ప్రకటనలో పేర్కొంది. కాగా, పాప్‌ గోల్డెన్‌ అవార్డ్స్‌ ఇతర కేటగిరీల్లో అంతర్జాతీయ పాప్‌ స్టార్‌ టేలర్‌ స్విఫ్ట్‌, కొరియా మ్యూజిక్‌ బ్యాండ్‌ బీటీఎస్‌ కూడా విజేతలుగా నిలిచారు.
తాజా వార్తలు
