వేసవి విడిది వచ్చింది
ఆహ్లాదాన్ని పంచింది
ఆటలు బాగా ఆడించింది
జాలీగా కాలం గడిపింది
చుట్టాలింటికి వెళ్ళాము
అందరితో కలిసున్నాము
మాటా మంతి కలిపాము
గతాన్ని నెమరు వేసాము
బొమ్మలు బాగా గీసాము
చిట్టి కథలను రాసాము
గేయాలెన్నో చదివాము
హాయిగా పొద్దు గడిపాము
పరిసరాలు చుట్టొచ్చాము
ప్రకృతిలో కలిసి పోయాము
పొలాలు గట్లు తిరిగాము
చెట్లతో చెలిమి చేసాము
అవ్వ తాతను కలిసాము
పొడుపు కథలు విప్పాము
సాధు జంతువుల్ని కలిసాము
హాయిగా ఆటాడుకున్నాము
కాళ్ళకు చక్రాలు కట్టాము
ఊరు మొత్తం తిరిగాము
చాలా అలసిపోయాము
బాగా తిని బజ్జున్నాము
తెలతెలవారగా లేచాము
దినపత్రికలు చదివాము
లోకజ్ఞానం తెలుసుకున్నాము
విజ్ఞానంతో మసలుకున్నాము
పగలంతా హాయిగా వున్నాము
అలసటనే మరచిపోయాము
ఆహ్లాదంగా కాలం గడిపాము
ఉరకలు వేస్తూ కదిలాము
తీర్థయాత్రలకు వెళ్ళాము
గుడి గోపురాలను చూసాము
నచ్చిన ప్రదేశాలకు పోయాము
ఎంతెంతో తెలుసుకున్నాము
వేసవి విడిది ఆహ్లాదం
స్వేచ్ఛకు అది ప్రతిరూపం
పిల్ల పాపల కేరింతలకు
వేసవి కాలం ఉత్సాహం!
– నరెద్దుల రాజారెడ్డి,
96660 16636.
