టోక్యో : టోక్యోలోని హనెడా విమానాశ్రయం రన్‌వేను వారంరోజుల తర్వాత సోమవారం తిరిగి ప్రారంభించారు. మానవ తప్పిదం కారణంగా గతవారం జపాన్‌ ఎయిర్‌లైన్స్‌ విమానం, కోస్ట్‌గార్డ్‌ విమానాలు రన్‌వైపై ఢకొీన్న సంగతి తెలిసిందే. జనవరి 2 సాయంత్రం జెఎఎల్‌ 516 విమానం 379 మంది ప్రయాణికులు, ఫ్లైట్‌ సిబ్బందితో వస్తున్న విమానం టేకాఫ్‌ కోసం సిద్ధమవుతున్న కోస్ట్‌ గార్డ్‌ విమానం వెనుక నుండి ఢీ కొట్టింది. ఈ ఘటనలో ఐదుగురు సిబ్బంది మరణించారు. మరమ్మత్తుల కోసం రన్‌వేను అధికారులు మూసివేశారు. విమానాల తాకిడి అధికమవడంతో సుమారు 1200 విమానాలను రద్దు చేశారు. సోమవారం తెల్లవారుజామున రన్‌వేను తెరిచారని, విమానాశ్రయం పూర్తి కార్యకలాపాలకు సిద్ధంగా ఉందని రవాణా మంత్రిత్వ శాఖ తెలిపింది.
తాజా వార్తలు
