కదులుతున్న బస్సు నుండి దూకేసిన అమర్‌నాథ్ యాత్రికులు
రాంబన్: కదులుతున్న బస్సు నుండి దూకి 10 మంది అమర్‌నాథ్ యాత్రికులు గాయపడ్డారు. జమ్మూ – కాశ్మీర్‌లోని రాంబన్ జిల్లాలో అమర్‌నాథ్ యాత్ర నుండి తిరిగి వస్తున్న బస్సు బ్రేక్‌లు విఫలమైనట్లు డ్రైవర్ తెలియజేయడంతో ఈ ఘటన జరిగిందని మంగళవారం అధికారులు తెలిపారు. కదులుతున్న బస్సులో నుంచి పలువురు బస్సు ప్రయాణికులు దూకడంతో ముగ్గురు మహిళలు, ఒక చిన్నారి సహా కనీసం 10 మంది యాత్రికులు గాయపడ్డారని అధికారులు తెలిపారు. బస్సును సైన్యం, పోలీసు సిబ్బంది ఆపడంతో జమ్మూ-శ్రీనగర్ జాతీయ రహదారిపై ప్రమాదం తప్పిందని వారు తెలిపారు. కదులుతున్న వాహనంలో నుంచి యాత్రికులు దూకడం గమనించిన ఆర్మీ బలగాలు, పోలీసు సిబ్బంది స్పందించి వాహనం టైర్ల కింద రాళ్లను వేసి బస్సు పడిపోకుండా ఆపగలిగారు. దీంతో ప్రమాదం తప్పింది. సంఘటనా స్థలానికి చేరుకున్న సైన్యం యొక్క క్విక్ రియాక్షన్ టీమ్‌ గాయపడిన వారందరికీ ప్రథమ చికిత్స అందించినట్లు అధికారులు తెలిపారు.
