ఎన్నికల వ్యాపారం అదిరింది! పలు రంగాల వారికి ఉపాధి బ్యానర్లు మొదలు క్యాటరింగ్‌ వరకూ ప్రచార సామగ్రికీ మంచి ఆదరణ ఖర్చుకు వెనుకాడని బూర్జువా అభ్యర్థులుపజాశక్తి – తిరుపతి సార్వత్రిక ఎన్నికల నగరా పలు రంగాల వారికి ఉపాధి కల్పిస్తోంది. ఈ వ్యాపారం ఐదేళ్లకోసారి మాత్రమే లభిస్తుంది. ఎన్నికల ప్రచారంలో ప్రధాన పాత్ర పోషించే వివిధ వత్తుల వారికి డిమాండ్‌ పెరిగింది. ఎన్నికల రాకతో వారి పంట పండుతోంది. కాసుల వర్షం కురుస్తోంది. ఇందుకు కావలసిన సంరంజామాను ముందస్తుగానే సమకూర్చుకునే పనిలో పడ్డారు. సీట్లు ఖరారు కాక ముందు నుంచే అభ్యర్థులు ప్రచారానికి, ఏర్పాట్లు, ఎన్నికల సామగ్రి కోసం ఉరుకులు పరుగులు పెట్టారు. తిరుపతి, చంద్రగిరి నియోజక వర్గాల్లో అధికార పార్టీ ముందుగానే అభ్యర్థులను ప్రకటించడంతో అందుకు తగ్గ ఏర్పాట్లకు సన్నద్ధమయ్యారు. బ్యానర్ల ప్రింటింగ్‌ మొదలు.. వాటిని కట్టేవారి నుంచి ప్రచార రథాలు నడిపే డ్రైవర్లు, వంట మాస్టర్లు, క్యాటరింగ్‌లు, హౌటళ్లు, సప్లయి చేసేవారు ఇలా ప్రతీ ఒక్కరికి చేతి నిండా పనే. వీరి వ్యాపారం మూడు ఆర్డర్లు, ఆరు అడ్వాన్సులుగా సాగుతోంది. దాదాపు రెండు నెలల పాటు తమ వ్యాపారానికి ఢోకా లేదన్న ధీమాతో ఉత్సాహంగా ఉన్నారు.ఆటోనగర్‌లో ప్రచార రధాలు తక్కువ సమయంలో ఎక్కువ ప్రాంతాలను చుట్టి రావడానికి అభ్యర్థులు ప్రచార రథాలను నమ్ముకోవడంతో వాటిని తయారు చేసేవారికి యమ డిమాండ్‌ పెరిగింది. ఆయా పార్టీల అభ్యర్థులు వాటిని తయారు చేసేవారి వద్దకు పరుగులు పెడుతున్నారు. ఆకర్శణీయమైన ప్రచార రథాలు చేయించుకునేందుకు అభ్యర్థులు ఎక్కువ మొగ్గు చూపుతున్నారు. ఖర్చుకు వెనకాడడం లేదు. టెక్నాలజీ పెరగడంతో ఈ రథాల రూపు రేఖలు కొత్త పుంతలు తొక్కుతున్నాయి. డిజిటల్‌ ఫ్లెక్సీలను రథాలకు అమర్చుతున్నారు. ఇందుకోసం తయారీదారులు ఇదే అవకాశంగా భారీగా డబ్బులు వసూలు చేస్తున్నారు. అభ్యర్థుల ప్రచార వాహనాలకు మూడు వైపుల ఫ్లెక్సీలు, లోపల డీజే ఏర్పాటు చేస్తున్నారు. డీజేలకు డిమాండ్‌ పెరిగింది. ఒక్కో వాహనానికి రూ.4000 నుంచి రూ.6000 వరకు ఖర్చు చేస్తున్నారు. అభ్యర్థి వెంట 5 నుంచి 10 వరకు వాహనాలు వినియోగిస్తున్నారు. అభ్యర్థుల ప్రచారం జానపద కళాకారుల బందం సందడితో సరికొత్త శోభను సంతరించుకుంటోంది. ఊరూరా తిరుగుతూ పాట, మాటలతో సందడి చేసి రోజుకు రూ.10వేల వరకు పొందుతున్నారు. గాయకులతో పాటలు పాడించి, సీడీలను రూపొందించడం ద్వారా రూ.వేలల్లో ఆర్జిస్తున్నారు.విందు.. పసందు ప్రచారానికి వచ్చే వారికి ఉదయం అల్పాహారం, సాయంత్రం, రాత్రి భోజనం వసతి కల్పిస్తున్నారు. వ్యక్తికి అల్పాహారం మధ్యాహ్నం, రాత్రి భోజనానికి ఏర్పాట్లు చేస్తుండడంతో వంట వాళ్లకు, క్యాటరింగ్‌కు విపరీతమైన గిరాకీ ఏర్పడింది. అభ్యర్థులు ప్రచారంలో పాల్గొనే ఒక్కో వ్యక్తికి రోజుకు రూ.100నుంచి 180 పైగా ఖర్చు చేస్తున్నారు. తిరుపతి లో అధికార పార్టీ అభ్యర్థి ప్రముఖ క్యాటరింగ్‌ నిర్వాహకునికి ఈ బాధ్యతలు ఇవ్వగా, కూటమి అభ్యర్థి మాత్రం తన సామాజిక వర్గానికి చెందిన ఓ హౌటల్‌ కు కాంట్రాక్ట్‌ ఇచ్చారు. అయితే చంద్రగిరి నియోజకవర్గంలో మాత్రం మంగళం, తిరుచానూరు, తుమ్మలగుంట చంద్రగిరి ప్రాంతాల్లో మాస్టర్లచే వంటలు చేయిస్తుందటం గమనార్హం.ఫోటో, వీడియో గ్రాఫర్లకూ ఉపాధిఅభ్యర్థుల ప్రచార చిత్రాలు, వీడియోలు తీసేందుకు ఫొటో, వీడియోగ్రాఫర్లకు మంచి డిమాండ్‌ ఉంటుంది. ఎన్నికల ప్రచారం పూర్తయ్యే వరకు ఒక్కో ఫొటోగ్రాఫర్‌ రూ.30 వేల నుంచి రూ.50వేలు, వీడియోగ్రాఫర్‌కు రూ.50వేల నుంచి 75వేల వరకు చార్జీలు తీసుకుంటున్నారు. నిన్న మొన్నటి వరకు ఖాళీగా ఉన్న తిరుపతి ,మంగళం, చంద్రగిరి ప్రాంతాల్లోని పలువురు ఫోటోగ్రాఫర్లు వీడియో గ్రాఫర్లు బిజీబిజీగా ఉండడం గమనార్హం.టెంటు యజమానులకు గిరాకీ టెంట్‌హౌస్‌ యజమానులు కుర్చీకి రూ.10, టెంట్‌ సైజ్‌ను బట్టి రూ.వెయ్యి నుంచి రూ.3వేల వరకు వసూలు చేస్తున్నారు. స్టేజీ నిర్మాణం రూ.2వేల నుంచి రూ.5వేలు డిమాండ్‌ చేస్తున్నారు. కరపత్రాలు, ప్లెక్సీల దుకాణాలు కళకళలాడుతున్నాయి. ఒక్కో అభ్యర్థికి వేలాదిగా కరపత్రాలు, ఫ్లెక్సీల అవసరం. ఒక్కో కరపత్రానికి రూ.3 నుంచి 5, ఫ్లెక్సీకి సైజును బట్టి రూ.200 నుంచి రూ.వేలల్లో ఖర్చు చేస్తున్నారు. ఈ లెక్కన అభ్యర్థికి రూ.లక్షల్లో ఖర్చు కానున్నది. ప్రచారంలో పాల్గొనేందుకు వచ్చే అభ్యర్థులకు, ప్రధాన నాయకులను స్వాగతం చెప్పే క్రమంలో స్థానిక నాయకులు పూలు, పూలదండలతో సన్మానిస్తున్నారు. పూల వ్యాపారులకు ఉపాధి లభిస్తోంది. నియోజకవర్గాల్లో కూలీలతో ప్రచారం చేపడుతున్నారు. పట్టణాల్లో రోజుకు రూ.500 నుంచి రూ.600 వరకు చెల్లిస్తుండటం గమనార్హం.
ఎన్నికల వ్యాపారం అదిరింది! పలు రంగాల వారికి ఉపాధి బ్యానర్లు మొదలు క్యాటరింగ్‌ వరకూ ప్రచార సామగ్రికీ మంచి ఆదరణ ఖర్చుకు వెనుకాడని బూర్జువా అభ్యర్థులు
తాజా వార్తలు
