యుటిఎఫ్‌ రాష్ట్ర కోశాధికారి గోపీమూర్తి
ప్రజాశక్తి – భీమవరం
ఈ నెల 30, 31వ తేదీల్లో ప్రతిష్టాత్మకంగా నిర్వహించనున్న భీమవరం బాలోత్సవం కార్యక్రమం విజయానికి ప్రతిఒక్కరూ కృషి చేయాలని యుటిఎఫ్‌ రాష్ట్ర కోశాధికారి బి.గోపీమూర్తి పిలుపునిచ్చారు. స్థానిక యుటిఎఫ్‌ జిల్లా కార్యాలయంలో భీమవరం బాలోత్సవం-1వ పిల్లల సంబరాలు కార్యక్రమల ఏర్పాట్ల సన్నాహాక సమావేశం యుటిఎఫ్‌ జిల్లా కోశాధికారి సిహెచ్‌.పట్టాభిరామయ్య అధ్యక్షతన శనివారం నిర్వహించారు. ఈ సందర్భంగా గోపీమూర్తి మాట్లాడుతూ బాలోత్సవం జయప్రదానికి యుటిఎఫ్‌ డివిజన్‌ మండల బాధ్యులు, నాయకులు, కార్యకర్తలు కృషి చేయాలన్నారు. ఈ సమావేశంలో యుటిఎఫ్‌ జిల్లా ప్రధాన కార్యదర్శి ఎ కెవి రామభద్రం, బాలోత్సవం కమిటీ సభ్యులు సీతారామరాజు, అరుణ్‌, ధనుష్‌, జెవివి జిల్లా అధ్యక్షులు ప్రసాదరావు, యుటిఎఫ్‌ జిల్లా కార్యదర్శులు ఏసుబాబు, రామకృష్ణ ప్రసాద్‌, కుమార్‌ బాబ్జి, భీమవరం, కాళ్ల, ఉండి బాధ్యులు అబ్రహం, నాగబాబు, స్వామి, శంకరరావు శామ్యూల్‌రాజు పాల్గొన్నారు.
తాజా వార్తలు
