బుడి బుడి అడుగుల బుడ్డోడా
పడుతూ లేచే చిన్నోడా
బోసి నవ్వులు నవ్వేవాడా
మాకు సంతోషాన్ని ఇచ్చే వాడా
వచ్చీ రాని మాటలతో అలరించే వాడా
టాటా అంటూ చేతులూపేవాడా
అర్థమైందంటూ తల ఆడించేవాడా
నీ చేష్టలతో మమ్ము మురిపించేవాడా
ఫోజులెన్నో ఇచ్చే వాడా
అమ్మమ్మతో గోరు ముద్దలు తినే వాడా
తాతయ్యతో షికారు వెళ్ళే వాడా
ఎంచక్కా రాగాలు తీసే వాడా
అమ్మ కనపడగానే ఒళ్ళో చేరే వాడా
హాయిగా ఆడుకుని బజ్జుకునే వాడా!
– కనుమ ఎల్లారెడ్డి, ఆస్టిన్‌, టెక్సస్‌ స్టేట్‌,
అమెరికా, 93915 23027.
