ముద్దులొలుకు పువ్వు

ముద్దబంతి ముద్దబంతి

మురిపించే ముద్ద బంతి

పసిడి వర్ణాల బంతి

బంగారు కాంతుల బంతి

ముద్దబంతి ముద్దబంతి

ముంగిట విరిసే పూబంతి

మురిపాల మాపెరటి బంతి

ముచ్చటైన మా ఇంటి కాంతి

ముద్దబంతి ముద్దబంతి

పొద్దుటేల ఇంటి ఇంతి

మాపటేల మంగళహారతి

మధ్య వేళ మధ్యమావతి

ముద్ద బంతి ముద్దబంతి

ముద్దులొలుకు చేమంతి

మరులుగొలుపు పూబంతి

మనోహరమే ప్రతి ఇంతి

కనువిందుల ముద్దబంతి

కమనీయము ముద్దబంతి

కనకాభిషేక భారతి

కళల కర్పూర హారతి

       – గుండాల నరేంద్ర బాబు,94932 35992.