ఆచరణ లేని స్టేటసులు
అది చూసి అయోమయంలో అమాయకులు
మస్తిష్కంలో యురేకా తడబడినట్టుగా
సెల్ఫీ కుడి ఎడమై కనిపిస్తున్నా
అదే నమ్మే ఫాలోవర్‌
అనుకరణల ఆలోచనలు ఒకవైపు
మూలం తెలియక వథా అయ్యే కామన్‌ మెన్‌ టైం
ముఖ పుస్తకంలో నిత్యం సూక్తుల చక్కర్లు
అనాథాశ్రయాల్లో సీనియర్‌ సిటిజన్లు
మది దోచే ఆర్టిఫిషియల్‌ అందాలు
కన్ఫ్యూజన్లో అదే నిజమనుకొని యూత్‌ పడిపోయే
కొత్త అంటూ అసలువన్నీ పక్కకు
అనవసర చెత్తను తెచ్చుకునే కాన్ఫిడెన్స్‌తో
దొంగ నవ్వులు నమ్మబలికే కస్టమర్లకు
టార్గెట్‌ నింపడానికి తన్లాటతో
నయా దుకాణాల సేల్స్‌మెన్‌ కాల్స్‌
లోకల్‌ అయిపోయే రోజు అబ్రాడ్‌ ఫోన్‌ కాల్స్‌
లైవ్‌ చాటింగ్‌, కాలింగ్‌తో అనవసర పనులు తెప్పలుగా
బంధాలు,అనుబంధాలు ఎక్కెను అటక్కు
రియాలిటీ లేని ‘రిలేషన్‌ షిప్పులు’
మరెన్నో కావాలి అప్డేట్‌
కోటి కాంతులతో ఈ కొత్త సంవత్సరం
సరికొత్తగా ఇంద్రధనస్సులా …
– డా. చిటికెన కిరణ్‌ కుమార్‌94908 41284
