ఆదర్శం ఎదురైన ప్రతిసారీ
అరమోడ్పు కన్నులతో
ముకుళిత హస్తాలతో
స్వాగతిస్తాం
బిరుదులు తగిలిస్తాం
భజనలు సాగిస్తాం
దాని దర్శన భాగ్యం కలిగిస్తూ
వీధికో విగ్రహం పెడతాం
దాని చుట్టూ ఆలయం కడతాం
హారతులిస్తాం
స్తుతిస్తాం..
భజిస్తాం.. పరవశిస్తాం!
అది నోరు తెరిచిందా,
తన గోడు వినమందా,
కీడు శంకిస్తాం
ఇక పరుగులంకిస్తాం.
మేమంతా
ఆదర్శానికి వారసులమే
కానీ అనుసరించడానికి నీరసమే !
– డా.డి.వి.జి. శంకరరావు, మాజీ ఎంపీ.94408 36931.