తెలంగాణ: 200 యూనిట్ల వరకు ఉచిత విద్యుత్‌, రూ. 500 గ్యాస్‌ సిలిండర్‌ సబ్సిడీని ఫిబ్రవరి 27 నుంచి అమలు చేస్తామని సీఎం రేవంత్‌ రెడ్డి ప్రకటించారు. మహాలక్ష్మి పథకంలో భాగంగా సబ్సిడీపై గ్యాస్‌ సిలిండర్‌ అందించేందుకు ఏర్పాట్లు చేస్తున్నామన్నారు. అయితే ఈ పథకంలో సబ్సిడీని నేరుగా లబ్ధిదారుల ఖాతాల్లో జమ చేయాలని పౌరసరఫరాల శాఖ నిర్ణయించింది. నగదు బదిలీ విధానాన్ని అమలు చేయాలని నిర్ణయించారు. కేంద్ర ప్రభుత్వం అమలు చేసిన ప్రకారం గ్యాస్‌ సిలిండర్‌ కొనుగోలు చేసేటప్పుడు లబ్ధిదారులు పూర్తి ధర చెల్లించాల్సి ఉంటుంది.
మహాలక్ష్మి పథకం లబ్ధిదారులకు రూ.500కే గ్యాస్‌ సిలిండర్‌ అందజేస్తామని కాంగ్రెస్‌ ప్రభుత్వం ప్రకటించింది. దీంతో మిగిలిన మొత్తాన్ని సబ్సిడీ రూపంలో లబ్ధిదారుల బ్యాంకు ఖాతాలో జమ చేస్తారు. ఈ నిర్ణయంపై అధికారులు కసరత్తు చేస్తున్నారు.ఈ నెల 27న ఈ పథకాన్ని ప్రారంభించనున్నారు. దీంతో గ్యాస్‌ ఏజెన్సీల ప్రతినిధులతో పౌరసరఫరాల సంఘం సమావేశం నిర్వహించింది. క్షేత్రస్థాయిలో నెలకొన్న సమస్యలను గ్యాస్‌ ఏజెన్సీ ప్రతినిధులు అధికారులకు తెలియజేశారు. గ్యాస్‌ ఏజెన్సీలు, డెలివరీ బాయ్స్ మోసం చేసే అవకాశాలు ఉండడంతో నేరుగా ఖాతాల్లోకే నగదు జమ చేయాలని ప్రభుత్వం నిర్ణయించింది.
అయితే రేషన్‌కార్డు, గ్యాస్‌ కనెక్షన్‌ ఉన్న వారికి మాత్రమే ఈ పథకం వర్తిస్తుంది. తెలంగాణలో దాదాపు 90 లక్షల తెల్ల రేషన్‌ కార్డులు ఉన్నాయి. రాష్ట్రంలో 64 లక్షల కార్డులకు మాత్రమే గ్యాస్‌ కనెక్షన్‌ ఉందని పౌరసరఫరాల శాఖ తెలిపింది. వీరిలో 64 లక్షల మంది తెల్ల రేషన్‌ కార్డుదారులు మాత్రమే ప్రస్తుతం రూ.500 గ్యాస్‌ సిలిండర్‌ పథకానికి అర్హులు. మిగిలిన 26 లక్షల రేషన్‌ కార్డులకు గ్యాస్‌ కనెక్షన్‌ లేదు. వీరికి ఈ పథకం వర్తించే అవకాశం ఉన్నట్లు తెలుస్తోంది. ఈ 26 లక్షల మంది కొత్త గ్యాస్‌ సేకరణ తీసుకుంటే ఈ పథకం వర్తిస్తుంది.
