కాంగ్రెస్ ని వైసిపి ఎప్పుడో కైవసం చేసుకుంది 

ఆ నలుగురు చచ్చిన కాంగ్రెస్ పార్టీని మోస్తున్నారు.
కాంగ్రెస్ పార్టీపై పెదిరెడ్డి రామచంద్రారెడ్డి సంచలన వ్యాఖ్యలు

ప్రజాశక్తి-హిందూపురం : రాష్ట్రంలో కాంగ్రెస్ పార్టీని వైఎస్ఆర్ కాంగ్రెస్ పార్టీ కైవసం చేసుకుంది… ఆంధ్రప్రదేశ్ లో కాంగ్రెస్ చచ్చిపోయింది… రఘువీరా రెడ్డి, షర్మిల, కె.వి.పి. రామచంద్రరావు, గిడుగు రుద్రరాజులు నలుగురే పని చేస్తున్నారని, ఐదో వ్యక్తి ఉంటే వదిలించుకునేందుకు కృషి చేస్తానంటూ మంత్రి పెద్దిరెడ్డి రామచంద్రారెడ్డి కాంగ్రెస్ పార్టీపై సంచలన వ్యాఖ్యలు చేశారు. శనివారం మంత్ర పెద్దిరెడ్డి రామచంద్రారెడ్డి శ్రీ సత్యసాయి ఎమ్మెల్యే, ఎంపీ అభ్యర్థులు దీపిక, శాంతమ్మలతో కలిసి హిందూపురం పట్టణంలో విస్తృతంగా పర్యటించారు. 38 వార్డులకు గాను 7 చోట్ల జరిగిన సభల్లో మంత్రి పాల్గొన్నారు. ఈ సందర్భంగా ఎన్నికలకు సిద్ధం కావాలంటూ పోస్టర్లను విడుదల చేసి ప్రజలకు దిశానిర్దేశం చేశారు. అనంతరం మంత్రి పెద్దిరెడ్డి రామచంద్రారెడ్డి విలేకరులతో మాట్లాడుతూ కాంగ్రెస్ అధ్యక్షురాలు షర్మిలపై తీవ్ర వ్యాఖ్యలు చేశారు. రాష్ట్రంలో ఎన్ని పార్టీలు కుమ్మక్కయినా వైసీపీ ప్రభుత్వం చేపడుతున్న అభివృద్ధి కార్యక్రమాలను గాలికొదిలేయాల్సిందేనన్నారు. సీఎం జగన్ మోహన్ రెడ్డిపై ఆయన సోదరి షర్మిల, సీఎం జగన్ మోహన్ రెడ్డిపై ఆయన సోదరి షర్మిల విమర్శలు గుప్పిస్తున్నారు. వైసీపీ ఏర్పాటుకు, జగన్ అరెస్టుకు, రాష్ట్రం విడిపోవడానికి చంద్రబాబే కారణమన్నారు. షర్మిలబాబు ఉచ్చలో పడిపోయారని, షర్మిలను రాజకీయంగా శత్రువుగా భావిస్తున్నారని, ఆమెను తెరపైకి తీసుకురావడానికి చంద్రబాబే కారణమని వ్యాఖ్యానించారు. కాంగ్రెస్ పార్టీ చచ్చిపోయిన పార్టీ అని, ఆ నలుగురు ఆ పార్టీకి పాతుకుపోతున్నారు. తనను  ఆదుకునేందుకు మరొకరు అవసరమని విమర్శించారు. తాను హిందూపురం నియోజక వర్గమంతా పర్యటించానని, అన్ని చోట్లా ప్రజల నుంచి మంచి స్పందన వస్తోందని, వచ్చే ఎన్నికల్లో తప్పకుండా విజయం సాధిస్తానన్న నమ్మకం ఉందన్నారు.