భద్రాచలం : సముద్రజలాల్లో మాత్రమే కనిపించే వింత చేపలు వరదల ఉధృతికి ఆకేరు చెక్‌డ్యామ్‌లోకి చేరాయి..! తిరుమలాయపాలెం మండలంలోని బీసురాజుపల్లి ఆకేరు చెక్‌డ్యామ్‌ నీటిలో గిరిజనులకు సముద్ర జలాల్లో మాత్రమే కనిపించే వింత రకం చేపలు కనిపించాయి. సముద్రజలాల్లో మాత్రమే తిరిగే ఈ చేపలను దయ్యం చేపలుగా పిలుస్తారు. వీటిని అక్వేరియంల్లోనూ పెంచుతారట..! వర్షాల సమయంలో వరదకు కొట్టుకొచ్చిన దయ్యం చేపలు ఆకేరు చెక్‌డ్యామ్‌లోకి చేరినట్లు స్థానికులు భావిస్తున్నారు. ఇవి చెరువుల్లోకి చేరితే ఇతర చేపల అభివృద్ధికి ఆటంకంగా మారుతాయని మత్స్యకారులు ఆందోళన వ్యక్తం చేశారు.
తాజా వార్తలు
