రైతు కుటుంబంలో జన్మించి
చిరు ఉద్యోగంతో జీవితమారంభించి
పలు శాఖల్లో పనిచేసి
మాలిన్యమెరుగని మనిషిగా వెలిగాడాయన !
నాలుగు పాదాల నానీలను
నవ్యాంధ్రలో నడిపించి
నానీల నాన్నకి అనుజుడైనానీల చిన్నాన్న తానయ్యాడు !
రైతు వ్యధలను రచనగా మలిచి
నాగలికి నమస్కారం పెట్టాడు
చేను చెక్కిన శిల్పాలు చదివించి
తొలకరి చినుకులు కురిపించాడు !
నవ్య కవుల నాదరించి
సృజనాత్మకతను ప్రోత్సహించి
నవ సాహితి క్షేత్ర హాలికుడై
సాహితీ జగతిన వెలుగొందాడు
సాహిత్య మార్గదర్శనం
కడు లెస్సగా చేసి
తన కలమును తనయునికిచ్చి
చరితర్ధుడయ్యాడు సోమేపల్లి !
అవయవ దానం చేసి
ఆదర్శ ప్రాయుడయ్యాడు
మనసా వాచా కర్మేణా
మంచి కవిగా నిలిచాడు !
(గురుతుల్యులు, గుంటూరు రచయితల సంఘం అధ్యక్షులు సోమేపల్లి వెంకట సుబ్బయ్య గారి అకాల మరణానికి చింతిస్తూ వారికి అక్షర నివాళి)
– అనిల్‌ కుమార్‌ దారివేముల 99512 44718
