వచ్చే ఐపీఎల్‌ సీజన్‌కు దూరంగా ఉండాలని పేసర్‌ జోఫ్రా ఆర్చర్‌ను ఈసీబీ ఆదేశించింది. 2024 టీ20 ప్రపంచకప్‌కు ముందు పనిభారం నిర్వహణలో భాగంగా ఈసీబీ ఈ నిర్ణయం తీసుకుంది. 2022 ఐపీఎల్‌ కోసం రూ.8 కోట్లకు ఆర్చన్‌ను కొనుక్కున్న ముంబయి ఇండియన్స్‌ గతవారం అతడిని విడుదల చేసింది. ఈనెల 19న దుబారులో జరిగే ఆటగాళ్ల వేలంపై ఆసక్తి చూపిన క్రికెటర్ల జాబితాలోనూ ఆర్చర్‌ పేరు లేదు. ఈ ఏడాది ఐపీఎల్‌లో గాయపడిన ఆర్చర్‌.. అప్పట్నుంచి ప్రొఫెషనల్‌ క్రికెట్‌కు దూరంగా ఉన్నాడు. వన్డే ప్రపంచకప్‌లోనూ అతను ఆడలేదు. దీంతో వచ్చే ఏడాది ఐపీఎల్‌ జరిగే ఏప్రిల్‌, మే నెలల్లో ఆర్చర్‌ ఇంగ్లాండ్‌లో ఉంటే అతని పునరాగమనం సాఫీగా జరుగుతుందని ఈసీబీ భావిస్తోంది.
తాజా వార్తలు
