కొచ్చి : వ్యవసాయ రంగ జర్నలిజంలో సుప్రసిద్ధలైన ఆర్‌టి రవి వర్మ తన 100వ ఏట మంగళవారం తుదిశ్వాస విడిచారు. కొచ్చిన్‌ రాజకుటుంబానికి చెందిన రవివర్మ త్రిసూర్‌లోని తన నివాసంలో మరణించారు. మధ్యాహ్నం 3 గంటలకు శాంతి ఘాట్‌లో అంత్యక్రియలు నిర్వహించారు. ‘సిరి’ అనే కలం పేరుతో సుపరిచితులైన ఆయనను అగ్రి జర్నలిజంలో మార్గదర్శకులుగా పరిగణిస్తారు. పూణే వ్యవసాయ విశ్వవిద్యాలయం నుంచి పట్టభద్రుడై ఆ తర్వాత కేరళ వ్యవసాయ విభాగంలో చేరారు. మూడు దశాబ్దాల పాటు కేంద్ర వ్యవసాయ మంత్రిత్వ శాఖ నేతృత్వంలోని వ్యవసాయ పత్రికలకు సంపాదకులుగా పనిచేశారు. పదవీవిరమణ తరువాత కేరళ విశ్వ విద్యాలయంలో జర్నలిజం విభాగంలో సేవలందించారు.కర్షకశ్రీ పత్రికకు వ్యవస్థాపక సంపాదకులుగా వ్యవహరించారు.
తాజా వార్తలు
