న్యూఢిల్లీ: ఆమ్‌ రాజ్యసభ ఎంపి స్వాతి మాలీవాల్‌పై దాడి కేసు విషయంలో కేజ్రీవాల్‌ బుధవారం తొలిసారిగా స్పందించారు. ఈ ఘటనపై సమగ్ర విచారణ జరగడంతో పాటు మాలీవాల్‌ న్యాయం అందుతుందని ఆశాభావం వ్యక్తంచేశారు. మాలీవాల్‌పై కేజ్రీవాల్‌ వ్యక్తిగత సహాయకుడు బిభవ్‌కుమార్‌ దాడి చేసిన ఘటన దేశవ్యాప్తంగా సంచలనం సృష్టించింది. ఈ ఘటనపై ‘ఈ ఘటనపై సమగ్ర విచారణ జరుగుతుందని ఆశిస్తున్నా. న్యాయం జరగాలి. ఈ కేసులో రెండు కోణాలు ఉన్నాయి. ఇద్దరి నుంచి నిష్పక్షపాతంగా విచారణ జరిపినప్పుడే సరైన న్యాయం అందుతుంది. ప్రస్తుతం ఈ అంశం న్యాయస్థానం పరిధిలో ఉన్నందున.. ఏమీ మాట్లాడలేను’ అని పిటిఐకి ఇచ్చిన ఇంటర్వ్యూలో కేజ్రీవాల్‌ పేర్కొన్నారు.కాగా, కేసులో బిభవ్‌ను అరెస్టు చేసిన ఢిల్లీ పోలీసులు ముంబయికి తీసుకెళ్లారు. స్వాధీనం చేసుకున్న నిందితుడి ఫోన్లు, ల్యాప్‌టాప్‌లు, సీసీటీవీ రికార్డులను ఫోరెన్సిక్‌ పరీక్షలకు పంపించారు.
తాజా వార్తలు
