ప్రజాశక్తి-శంఖవరం(కాకినాడ) :కాకినాడ జిల్లా శంకవరం మండలం కత్తిపూడి గ్రామంలో వేంచేసియున్న శ్రీవిశాలాక్షి సమేత విశ్వేశ్వర స్వామివారికి ఘనంగా మహా కుంభాభిషేకం నిర్వహించారు మంగళవారం కార్తీక అమావాస్య సందర్భంగా పవిత్రమైన సప్త నదుల జలములతో ఘనంగా మహా కుంభాభిషేకం నిర్వహించారు. ఈ కార్యక్రమానికి స్థానిక శాసనసభ్యులు పర్వత పూర్ణచంద్ర ప్రసాద్‌ విచ్చేసి స్వామివారికి ప్రత్యేక పూజలు నిర్వహించుకున్నారు అనంతరం ఆలయ ధర్మకర్త మంచాల సత్యనారాయణ, సుబ్రహ్మణ్య కుమార్‌, ఘంటసాల సోమేశ్వర శర్మ స్వామి, అమ్మవార్లకు ప్రత్యేక పూజలు నిర్వహించారు. ఆలయ ప్రాంగణంలో మంగళవారం ఉదయం గోపూజ, యాగశాలలో ప్రత్యేక పూజలు నిర్వహించి, అనంతరం సప్తనదీ జలాలతో కూడిన 651 కలశములతో నింపి ముత్తైదువులు గ్రామోత్సవం నిర్వహించారు. ఈ సందర్భంగా భక్తులకు మహా అన్నదానం నిర్వహించారు. ఈ కార్యక్రమంలో అడపా సత్తిబాబు, సోమేష్‌, రామిశెట్టి వీరబాబు, దడాల బాబ్జి, మాదేపల్లి మహేష్‌, గౌతు వాసు తదితరులు పాల్గొన్నారు.
తాజా వార్తలు
