ప్రజాశక్తి -సామర్లకోట (కాకినాడ) : రాష్ట్ర కమిటి పిలుపు మేరకు ఎగుమతి కూలి రేట్లు పెంపుకై నాల్గోవరోజు శనివారం సామర్లకోట బేవరేజ్‌ డిపో దగ్గర బేవరేజెస్‌ హమాలీలు మోకాళ్ళపై నిరసన వ్యక్తం చేశారు. ఈ సందర్భంగా యూనియన్‌ ప్రధాన కార్యదర్శి వి. అప్పలరాజు మాట్లాడుతూ మద్యం ఎగుమతి, దిగుమతి పనులు ద్వారా ప్రభుత్వానికి వేల కోట్ల రూపాయలు సమకూర్చడంలో హమాలీలు కీలక పాత్ర వహిస్తున్నప్పటికి ప్రభుత్వం ద్వారా ఏవిధమైన సంక్షేమ పథకాలు అమలు కావడం లేదని అన్నారు. హమాలీలు దిగుమతి చేస్తున్నప్పుడు బీర్‌ బొటల్స్‌ పగిలి గాయాలపాలై వైద్యం కోసం వేల రూపాయలు ఖర్చు చేస్తున్నారని కార్పొరేషన్‌ యాజమాన్యం నుండి ఏవిధమైన సహాయం లేదనీ అన్నారు.రోజూ వచ్చు చాలీ చాలని కూలితో హమాలీ కుటుంబాలు ఆర్థికంగా ఇబ్బందులు పడుతున్నారని ఈ పరిస్థితిలో కార్పొరేషన్‌ యాజమాన్యం కాంట్రాక్టర్‌ ను పిలిపించి చర్చలు జరిపి ఎగుమతి కూలి రేట్లు పెంచి హమాలీ కుటుంబాలను ఆదుకోవాలని ఆయన డిమాండ్‌ చేశారు.ఈ సందర్భంగా రాష్ట్ర కార్యదర్శి విప్ప ర్తి కొండలరావు మాట్లాడుతూ ఎగుమతి కూలి పెంపుకై రాష్ట్ర కమిటి పిలుపు మేరకు 5వ తేద.న ఛలో విజయవాడ ఎం.డి కార్యాలయనికి హమాలీ కార్మికులు అధిక సంఖ్యలో పాల్గొని జయప్రదం చేయాలని ఆయన పిలుపునిచ్చారు. ఈ కార్యక్రమంలో అధ్యక్షులు బి. ఆదినారాయణ అధిక సంఖ్యలో హమాలీ కార్మికులు పాల్గొన్నారు.
తాజా వార్తలు
