ప్రభాస్ హీరోగా నాగ్ అశ్విన్ దర్శకత్వంలో ‘కల్కి 2898 ఎడి’ చిత్రం రూపొందిస్తున్న విషయం తెలిసిందే. మే 9న విడుదల చేస్తామని నిర్మాణ సంస్థ వైజయంతీ మూవీస్ అధికారికంగా ప్రకటించిన విషయం తెలిసిందే. దేశవ్యాప్తంగా త్వరలో ఎన్నికలు జరగనున్న నేపధ్యంలో ఈ చిత్రాన్ని వాయిదా వేసి ఆగస్టు 15న విడుదల చేయటానికి చిత్రనిర్మాతలు ఆలోచనలో ఉన్నట్లుగా సమాచారం. అయితే అదేరోజు అల్లు అర్జున్ పాన్ ఇండియా మూవీ ‘పుష్ప-2’ విడుదల కానుంది. అదేరోజు బాలీవుడ్ నుంచి మరో చిత్రం ‘సింగం ఎగైన్’ కూడా విడుదల కానుంది. కన్నడలో శివరాజ్కుమార్ సినిమా ‘భైరతి రంగల్’ కూడా అదే రోజు విడుదల కానుంది. వాయిదా పడితే విడుదల తేదీపై ‘కల్కి’ బృందం అధికారికంగా ప్రకటించాల్సివుంది.