లేగ దూడను చూసి చూడగనే..
ఆవు పొదుగు పాలు పొర్లినట్లు..
మాతృభూమి మదిన దొర్లగనే..
ఉప్పొంగాలి దేశభక్తి నురగలు !
జాతి హితం కోరడమే దేశ సేవ
చెడును తిరస్కరించడమే దేశభక్తి
పరహిత భావనమే కదా దైవత్వం
నిస్వార్థ సేవా హస్తాలే పవిత్రం !
జాతీయ జెండా స్వేచ్ఛ గలగలలు
అవసరార్థులకు ఆపన్నహస్తాలు
అవినీతి వ్యతిరేక ఉద్యమ గళాలు
సంక్షేమ గొడుగులు పట్టాలి పౌరులు !
మనో మురికిని కడిగేయడమే కాదు
సద్భావన సుగంధాల్ని అద్దడం
సమాజ కుళ్లును ఉతికేయడమే..
భరతమాతకు దేశభక్తుల క్షీరాభిషేకం !
- మధుపాళీ, 9949700037