దారిలో నడిచే పాదాలు
అలవాటు పడ్డాయి
మెదళ్ళని, కొన్ని ప్రశ్నలని వదిలేసి
లోకంతోనే సర్దుకు పోతున్నాయి!
అందరూ నడుస్తున్నారు
ముందుకెళ్లాలని!
కొందరిని నెట్టేస్తూ..
కొందరిని తొక్కేస్తూ..!
ఇంతకీ ఈ దారి
గమ్యం ఎంత వరకు
ఈ గమనం దేని కొరకు
దారికిరువైపుల
మూగబోయిన హృదయాలు
వారు నిస్సహాయ బాధితులు
నిత్యం అసహనంగా
కన్నీళ్ళపాట పాడుకుంటారు
కానీ వినే వారే లేరు!
ఈ దారి ఒకప్పుడు ముళ్ళదారి
నేడు గతుకుల దారి
ఇక్కడ ముందుకెళ్లే వారే కానీ
రేపటి తరాన్ని కదిలించి
నడిపించే వారెక్కడా!
ఏ దారుల్లో.. రాజ్యం వెళ్తుందో
గమనించు..
నేడు కనుగొని
కనీసం కొన్ని పాదాలను కదిలించు.
- రామ్ పెరుమాండ్ల – 9542265831