కర్రపోటుతో వంగిన నడుముతో
ముదుసలిలా ఎదురొచ్చింది ఊరు
గుర్తుపట్టలేంతగా రూపం మారి
పూరిపాకలు అంతస్థులుగా మొలిచినా
మరగుజ్జు మనసులతో
మనుషులు ఇరుకుగా కనిపిస్తున్నారు
ఉనికిని మరచి వేరు కుంపటితో
జీవితాలను చెక్కుకొని
నగంగా ఊరేగే నాజూకు జీవితం
రక్తం చిందించిన తరాన్ని
ఏకాంతలోకి నెట్టేసింది
వయసు పెరిగేకొద్దీ
వెర్రితలలు వేస్తున్న ఊరిని
పాతతరం ప్రశ్నిస్తోంది
మనసులెక్కడని.. మనుషులెక్కడని..?
తలదించుకునేలాగా తలలెగరేసి
తెగించిన తరాన్ని చూసి.. బాధగా..!!
చందలూరి నారాయణరావు
9704437247