ప్రజాశక్తి-కపిలేశ్వరపురం (అంబేద్కర్ కోనసీమ) : కపిలేశ్వరపురం మండలంలోని అంగన్వాడీ కేంద్రాల పరిధిలో మంగళవారం ఆలమూరు శ్రమ స్వచ్ఛంద సంస్థ ఆధ్వర్యంలో ప్రాథమిక విద్యపై కళాజాత కార్యక్రమాలు నిర్వహించారు .ఈ కార్యక్రమంలో భాగంగా నేలటూరు, వల్లూరు, మాచర, వడ్లమూరు, గ్రామాల అంగన్వాడీ కేంద్రాల్లో ప్రజలకు అందించే సేవలు, అనుబంధ పోషణ, పూర్వ ప్రాథమిక విద్య , తదితర అంశాల పై అవగాహన కల్పించారు. అలాగే గర్భిణిగా నమోదు చేసినప్పటి నుంచి ఆరు సంవత్సరాల లోపు పిల్లలకు అంగన్వాడీ కేంద్రాల ద్వారా అందించే పూర్వ ప్రాథమిక విద్యను కళాజాత ద్వారా అవగాహన చేశారు. అనంతరం శ్రమ కోఆర్డినేటర్ ఈశ్వరి మాట్లాడుతూ సన్ గ్రూప్ క్రైమ్ సిటీ బెంగుళూరు సౌజన్యంతో కపిలేశ్వరపురం మండలంలో 12 అంగన్వాడి సెంటర్లకు చిన్నారులకు సంబంధించి పరికరాలు అందించి కళాజాతాల ద్వారా అవగాహన కల్పించడం జరిగిందని, ఈ కార్యక్రమం ఈనెల 10వ తేదీ వరకు నిర్వహించడం జరుగుతుందన్నారు. కార్యక్రమంలో ఆయా గ్రామాల సర్పంచులు, సచివాలయం సిబ్బంది, అంగన్వాడీలు, గర్భిణీ స్త్రీలు, బాలింతలు ,బాలబాలికలు, పిల్లల తల్లిదండ్రులు , శ్రమ టీం సిబ్బంది పాల్గొన్నారు .
తాజా వార్తలు
