చిరంజీవి తన కుటుంబ సభ్యులతో కలిసి బెంగుళూరుకు సంక్రాంతి పండుగను జరుపుకోవటానికి వెళ్లారు. తన కుమారుడు, హీరో రామ్‌చరణ్‌ ఆయన సతీమణి ఉపాసన, కుమార్తె క్లీంకార తదితరులు ఉన్నారు. క్లీంకార పుట్టిన తర్వాత వచ్చిన తొలిపండుగ కావటంతో మెగా కుటుంబ సభ్యులంతా ఈ పండుగను ఒక్కచోటే ఘనంగా చేసుకోవటానికి ఏర్పాట్లు చేసుకున్నట్లుగా సమాచారం. హైదరాబాద్‌లో కాకుండా బెంగుళూరులోని ఫామ్‌హౌస్‌లో సెలబ్రేట్‌ చేసుకోనున్నారు. ఈ క్రమంలోనే చరణ్‌ దంపతులు, అకీరానందన్‌ తదితరులు హైదరాబాద్‌ విమానాశ్రయంలో కనిపించిన వీడియో నెట్టింట వైరల్‌ అవుతోంది. గేమ్‌ ఛేంజర్‌లో రామ్‌చరణ్‌; మరో సినిమాలో చిరు బిజీగా ఉన్న విషయం తెలిసిందే. పండుగ కావటంతో మెగా హీరోలు, వారి కుటుంబమంతా కలిసి ఈ సంక్రాంతి జరుపుకోనున్నట్లుగా సమాచారం.
తాజా వార్తలు
