దశాబ్దాల ఆవలకి
మనసుకు
వంతెన వేసుకుని బయలు దేరాను
నా నీడ నన్ను ప్రశ్నిస్తోంది
ఎవరికీ లేని బాధ నీకెందుకని
నాలో నిశ్శబ్దం
వేల టన్నులను మోస్తూ
అంతరంగ వేదికపై
నన్ను కూల్చేస్తున్న యాతన
ప్రయాణం
కొనసాగిస్తూనే ఉన్నాను
నాకు నేనే ఎదురవుతున్నాను
అందరికీ ఇలానే ఉందేమో..?
ఆగి..
గుప్పెట్లో విశ్వాన్ని వెదకటం మొదలుపెట్టాను
ఓ తియ్యని మాట వినిపిస్తుందేమోనని
అంతా ఆర్టిఫీషియల్ సంభాషణలే
మడం తిప్పాలని లేదు
నాకు నేనుగా
కొన్ని మాటలు చెప్పుకోవడం
మొదలు పెట్టాను
నిజమే
నా నుండే కదా మార్పు రావాల్సింది
దూరంగా ఓ తియ్యని మాట వినిపించింది
నా మనసు నానీడతోనూ
నాతోనూ మాటలు ఆపేటట్టు లేదిక
- కొత్తపల్లి మణీత్రినాథరాజు, 7997826662